गुगल टीचर नको;शाळांमध्ये रीतसर घ्यायला हवा 'लैंगिक' शिक्षणाचा क्लास !

एखाद्या मुलाच्या तोंडातून 'सेक्स' असा शब्द उच्चारला गेला तरी आई-वडिलांची झोप उडते.

नको त्या साईट्स किंवा एखादा पॉर्न व्हिडीओ आढळला तर त्या मुलाची

काही खैर नाही,अशी स्थिती असते. 

टीव्हीवर एखादा किसिंग सीन सुरू झाला आणि मुलगा शेजारी बसला असेल तर लगेच चॅनेलच बदलून टाकले जाते.

 हीच घर घर की कहानी कोरोना काळातील ऑनलाइन शिक्षणापासून मुलांच्या हातात मोबाइल सारखे खेळणे आले आणि

सर्व माहिती नको त्या वयात

चुकीच्या पद्धतीने मुलांपर्यंत पोहोचू

लागली आहे. 

याला कुठंतरी आळा

बसायचा असेल तर शाळेतील मुला- मुलींना लैंगिक शिक्षण (सेक्स एज्युकेशन) देणे काळाची गरज आहे, अशी भावना व्यक्त होत आहे.

 अडगळीत गेलेल्या या विषयावर नुकत्याच प्रदर्शित झालेल्या 'ओएमजी २' या चित्रपटाने पुन्हा एकदा चर्चा छेडली गेली.

देशात राष्ट्रीय शैक्षणिक धोरणाच्या अंमलबजावणीस सुरुवात झाल्याने शालेय अभ्यासक्रमात 'लैंगिक शिक्षणाचा समावेश केला पाहिजे,अशी मागणी जोर धरू लागली आहे. लैंगिक शिक्षण हा शैक्षणिक अभ्यासक्रमाचाच एक महत्त्वाचा भाग असूनही याकडे दुर्लक्ष झाले.

🟣🟣🟣🟣🟣🟣🟣🟣🟣🟣🟣🟣🟣🟣🟣🟣🟣🟣

⭕तर मुले वाहवत जातील-----

अल्पवयीन मुले-मुली वयात आल्यावर त्यांच्या शरीरात अनेक बदल होत असतात.

जसं की,मुलांना दाढी येणे,मुलींना मासिक पाळी येणे. यासह त्यांचे लैंगिक अवयव हळूहळू विकसित होणे होय. अशा काळात जर या मुलामुलींना योग्य व चांगले लैंगिक शिक्षण मिळाले नाही तर अनेक मुले चुकीच्या मार्गाने चुकीची लैंगिक माहिती घेऊन वाहवत जाण्याची शक्यता अधिक असते..

🟣🟣🟣🟣🟣🟣🟣🟣🟣🟣🟣🟣🟣🟣🟣🟣🟣🟣

⭕पहिलीत लव्ह लेटर-------

लैंगिक सुखाच्या चुकीच्या किंवा अवास्तव कल्पनांमुळे

आयुष्य उद्ध्वस्तही होऊ शकते, यापासून मुलांचा बचाव करायचा असेल तर त्यांना निकोप कामजीवनाची ओळख शाळेतच करून दिली पाहिजे.

 याकडे तज्ज्ञांनी लक्ष वेधण्याचा प्रयत्न केला आहे. 

काही पालकांशी बोलल्यानंतर जाणवले की, शाळेतील पहिली-दुसरीमधील मुले एकमेकांना लव्ह लेटर पाठवत आहेत. या गोष्टी मुले कुठून शिकतात? 

शाळेत मुलांना काय चांगल, काय वाईट?

गुड टच आणि बॅड टचचे शिक्षण

दिले गेले पाहिजे.

🟣🟣🟣🟣🟣🟣🟣🟣🟣🟣🟣🟣🟣🟣🟣🟣🟣🟣

⭕पॉर्न पाहण्याचे वाढते प्रमाण चिंताजनक--------

युट्यूब बरोबरच फेसबुक,इन्स्टाग्राम या सगळ्या सोशल मीडिया प्लॅटफॉम्र्सवर हार्ड आणि सॉफ्ट पॉर्न कंटेंट सहज उपलब्ध आहेत. व्हॉट्स अॅपवरून मोठ्या प्रमाणावर पॉर्न क्लिप्स व्हायरल / फॉरवर्ड होतात. 

पॉर्न मुलांपर्यंत सोशल मीडिया, गेम्स, गुगल इमेजेस, युट्यूब अशा चोहोबाजूंनी पोहोचत आहे. 

हा सगळा कंटेंट इंटरनेटवर सहज उपलब्ध आहे, पॉर्न कंटेंटचा ग्राहकही आता अल्पवयीन मुले-मुली झाली आहेत.

 इंटरनेटवर सगळ्यात जास्त सेक्स आणि हिंसा चालते. या दोन्ही गोष्टींच्या ग्राहकवर्गात अल्पवयीन मुला-मुलींचा समावेश आहे.

🟣🟣🟣🟣🟣🟣🟣🟣🟣🟣🟣🟣🟣🟣🟣🟣🟣🟣

लैंगिक शिक्षण हा विषय अत्यंत नाजूक आहे, ते दिलं

गेलं पाहिजे हे खरं आहे; पण हे शिक्षण प्रशिक्षित शिक्षकांकडूनच दिले गेले पाहिजे. 

आजच्या काळात लैंगिक शिक्षण खूप आवश्यक आहे पण ते देताना काळजी घ्यायला हवी;अन्यथा बूमरँग होऊ शकते.

-डॉ. अ. ल. देशमुख, ज्येष्ठ शिक्षणतज्ज्ञ

🟣🟣🟣🟣🟣🟣🟣🟣🟣🟣🟣🟣🟣🟣🟣🟣🟣🟣

लैंगिक शिक्षण देण्याने

काय साध्य होईल?------

• जबाबदारीची भावना वाढू शकते.

• गर्भधारणा आणि लैंगिक संक्रमित

संसर्गासह लैंगिक प्रक्रियेच्या संभाव्य परिणामांबद्दल ज्ञान मिळू शकेल. 

• मुलांना त्यांचे शरीर, वैयक्तिक मर्यादा आणि योग्य-अयोग्य स्पर्श याविषयीचे भान येईल.

 • मुलांवरील लैंगिक शोषण, अत्याचाराला आळा बसेल.

• लग्न होण्याअगोदर लैंगिक संबंध केले तर काय होऊ शकते? त्याच्या दुष्परिणामाची माहिती मिळेल. 

• प्रेम करणे आणि लैंगिक संबंध यातील फरक कळेल.

• बदलांशी संबंधित भय, चिंता आणि न्यूनगंड कमी होईल.

🟣🟣🟣🟣🟣🟣🟣🟣🟣🟣🟣🟣🟣🟣🟣🟣🟣🟣

सध्या मुला-मुलींमध्ये पॉर्न पाहण्याचे प्रमाण वाढले आहे.

यामध्ये ११ ते १६ वयोगटातील मुले अधिक आहेत.

 याला आळा घालायचा असेल तर मुला-मुलींना लैंगिक शिक्षण देणे गरजेचे आहे. मोबाइलचा वापर कसा करायचा?

 याचे शिक्षणही दिले गेले पाहिजे.

• डॉ. निकेत कासार, प्रसिद्ध मानसोपचारतज्ज्ञ

🟣🟣🟣🟣🟣🟣🟣🟣🟣🟣🟣🟣🟣🟣🟣🟣🟣🟣

नम्रता फडणीस

लोकमत न्यूज नेटवर्क