राहुल दत्तात्रय म्हमाणे

Monday, 10 August 2026

आजच्या महत्वाच्या बातम्या मंगळवार दिनांक ११ ऑगस्ट २०२६

सांगली : स्कूल बस पुलाच्या कठड्याला धडकून झालेल्या अपघातात बालिका ठार

▪️▪️▪️▪️▪️▪️▪️▪️▪️▪️▪️▪️▪️▪️▪️

शाळकरी मुलांची वाहतूक करणारी मोटार पुलाच्या संरक्षक कठड्याला धडकून झालेल्या अपघातात सहा वर्षाची मुलगी ठार झाली.

सांगली : शाळकरी मुलांची वाहतूक करणारी मोटार पुलाच्या संरक्षक कठड्याला धडकून झालेल्या अपघातात सहा वर्षाची मुलगी ठार झाली. मेणी-आटूगडेवाडी (ता.शिराळा) दरम्यान सोमवारी सकाळी झालेल्या या अपघातात काही मुले जखमी झाली असून त्यांना विविध ठिकाणच्या खासगी रूग्णालयात उपचारासाठी दाखल करण्यात आले आहे.

सह्याद्री पब्लिक स्कूलच्या आटगुडेवाडी-मेणी येथील शाळेतील मुलांना शाळेसाठी घेउन येणारी स्कूल बस (एमएच १० ईई ७९३१) ही रस्त्यावरील पूलाच्या संरक्षण कठड्याला धडकली.

या अपघातात चालकाशेजारी बसलेली श्रीशा श्रीनाथ उर्फ गणेश इंगळे (वय ६) ही मुलगी जागीच ठार झाली. तर या अपघातात काही मुले जखमी झाली असून त्यांना कोकरूड येथील प्राथमिक आरोग्य केंद्रात तर काही मुलांना शिराळा व कराड येथील रूग्णालयात उपचारासाठी दाखल करण्यात आले आहे.

जिल्हा परिषद सदस्य विराज नाईक यांनी कोकरूड रूग्णालयात जाउन जखमी मुलांची चौकशी करून पालकांना धीर दिला.

सह्याद्री पब्लिक स्कूल मेणी येथील शाळेत शिक्षण घेत असलेल्या मुलांची नेआण करण्यासाठी शेंडगेवाडी येथील युवराज कदम याची स्कूल बस निश्‍चित करण्यात आली आहे.

आज सकाळी नेहमीप्रमाणे कदम हे शाळेतील मुलांना घेउन निघाले असताना अचानक वाहनावरील ताबा सुटला.यामुळे स्कूल बस पूलावरील संरक्षक कठड्यावर जाउन आदळली. यामुळे हा अपघात घडला.

१० ऑगस्ट २०२६